සනුහරේ රකින්නට අපි පෙරට ආපු වග
පුත උඹත් දත යුතුය මේ සටන උඹේ බව !
ඉතින්,
උන්ගේ අනාගතය වෙනුවෙන්
උනුත් අරගල කරපු දෙන්!!!
Give us our country back 🙏
#gohomegota2022 #hailtothebravehearts ✌️❤️ #riseforachange ☮️🤘
ඒත් කොහොමද දාල යන්නේ උඹල අපි ගැන හිතෙනවා
හොරුන් පන්නා හෙටක් හදනට හීන අහුරක් දකිනවා
පුංචි කූඩාරමේ ගුලිවී මේ රැයත් අපි ගෙවනවා...
ප්‍රේමවතී මනම්පේරි නඩුව - ගරු අධිකරණය"
උපුටා ගැනීම අවසන්...
ඔසවා කඩු කිණිසි තෝමර පොලු මුගුරූ
කොහොමට පුතේ සටනට එනු වී හතුරූ
ඉවසනු බැරිම තැන පාරට බැසි සොයුරූ
මඩලනු එපා නිල බල පෙන්නා නිසරූ
පාගා තලා මිරිකා රට වැසි පොකුරූ
පිට රට වල තනා ඇත උන් රජ මැදුරූ
මෙච්චර සාප දෙද්දිත් සොහොයුරු මිතුරූ
තාමත් හෝදන්නෙ ඇයී උන්ගේ වසුරූ
ගෑස් කුමට කදුළින් පෝසත් නෙතට
වතුර පහර නම් රිදුනා පුත ඇඟට
මොහොතක් නැවතියන් ගද්දී අවි අතට
එල්ලය අග කවුරුද පෙනුනේ උඹට...
මීට,
උඹට එදා පැඟිරිවත්තෙදි හම්බ උනු කාගේ හරි තාත්තෙක්...
#riseforachange #beforethe3rd #flightඑකවෙනුවටfightඑක #hailtothebravehearts
පඳුරු මල් ගස් මහා තුරු වැල්
බදා හිටියට විහිද තද මුල්
නාය යන මොහොතෙදියි කන්දක්
පෙනුනෙ පපුවෙම පාළු හුඹහක්...
දේස සීමා බෙදා වෙන්කොට
එමට තරු කැට ලැගුම් ගත්තත්
අමාවක දවසෙදියී දැක්කේ
අහස තනිකර කළු ගුහාවක්...
නිතර විසි කර මල් සිනා වැහි
බොහෝ සතුටින් ඉන්න උන් ලග
හාරලා බැලුවොතින් අස්සට
පිරෙන්නට තිබුණේම හිස්කම...
උඹත් මාත් දැන් ඉන්නේ උපන් දිනය තියා කැලැන්ඩරේ කිසිම දවසක විශේෂයක් නොදකින මානසික අවධියක. ජීවිතේ කියන්නේ සයින් වක්‍රයක් වගේ උනාට මොකෝ අපේ මානසික වක්‍රය දැන් සරළ රේඛාවක්. එහෙවූ අවධියක උඹටවත් කිසි විශේෂයක් නැති දවසක් වෙනුවෙන් කවි ලියන එක හරිම අමාරු වැඩක්. සිද්ධි වාචකයක් වෙනුවෙන් කවි ගලපන්න නම් ඒ සිද්දි සංක්ශිප්ත්ය ඇතුලෙ මොකක් හරි විශේෂත්වයක් කවියා දකින්න ඕන. අඩුම තරමෙ ඒකට අපූර්වත්වයක් ආරෝපණය කරන්න හරි ඌට මයින්ඩ් සෙට් එකක් තියෙන්න ඕන. මම දැන් ඉන්න මයින්ඩ් සෙට් එකේ ඒ ස්පාක් එක නෑ. ඒ නිසා උබේ උපන්දිනේට හැමදාම ලියන කවි සෙට් එක මේ පාර ලියන්න වෙන්නෙ නෑ. ඒකට සමාවෙයන්.
ඒත් මේ සුභ පැතුම අස්සේ මගේ අනන්යතාවයෙන් දශමෙන් පංගුවක් හරි ඉතුරු කරන්න ඕන නිසා අමාරුවෙන් හරි එකම එක කවියක් තියල මේ සටහන ඉවරයක් කරන්නම්.
සරා සඳ ලෙස දිලීයන් පරිවාර තරු කැට පිරිවරා
පුරා සිත අග දැනීයන් සැනසුමේ සාමය දිවිතුරා
වරා මල් සේ තටුගනින් බර ප්‍රශ්ණ සේරොම මග මරා
නිරා මිස සිනහවෙන් හැඩවෙන් සදා උඹෙ වත සුමිතුරා...
ගලා යන ගඟුලකින් සරු වෙයී තැනි තලා බිම් දෙපසැතී
බලා නොසිටී ගඟුල එනමුත් උන් පුදන තුරු තුති බැතී
සලා කදුලක් ගියා මිස නැත ආයෙ හැරුනේ ඉක්බිතී
වෙලා නැහැ ඒ ගැන හිතන්නත් ගිලෙමු මුහුදක ගැඹුරැතී...
මග දෙපස උඹ යනෙන සුවද මල් පිපේවා
ලඟ නිතර ජය සතුට සාමයම රැදේවා
විගහටම ජීවීතේ පිළිවෙලක් දකීවා
හිඟ නොමැති අපේ බැමි සදාකල් රැකේවා...
එකක් ලියල නවත්තන්න ගියාට මොකෝ තුනක්ම ආවා. සුබෝපන්දිනයක් වේවා!!! මං ආදරේ වග උඹ දන්නවා.
