අවුවට කරපට්ටම් වෙච්ච
ඉරි තැලී හම විරූපි වෙච්ච
ආත්මයකට වැහි පොදක් තියා
පිණි පොදක් වත් දැක්කෙ නැති
සමහර පොළොව වල් තියෙනවා
වර්ශාවට වඩා ඉඩෝරයට පෙම් කරන...
සමනළයෙක් තියා
කුරුල්ලෙක්වත් බලන්නෙ නැති
සුවද මල් සංගමය විසින්
ලේබල් ගසා අතහැර දමන ලද
සමහර පොළොව වල් තියෙනවා
පතොක් මල් විතරක්ම පීදෙන...
අනෝරාවක කුර ගැටී
පොළෝ ඝර්භයේ නිධන් කර තිබූ
පරණ තුවාල පෑරිච්ච හවසක
මඩ පාට රුධිරයට විදිමින් සී සී කඩ
සමහර පොළොව වල් තියෙනවා
වස්සාන අහසට - අඬ අඬා සාප කරන...
සුවඳ මල් පීදෙනවට අකැමැති
සමනල්ලු එනවට අකැමැති
අහේතුක වර්ශාවට අකැමැති
කිවුවට විස්සාස කරනවද
සමහර පොළොව වල් තියෙනවා
වසන්තය ගැන - සත පහකට විශ්වාසයක් නැති...
තිලංක තේනුවර
දෙසැම්බර් 2, 2022
No comments:
Post a Comment