අහස විද සුර ලොවේ සාරය
උරා පොළොවට පොම්ප කරමින්
උසට විහිදුනු මහා කදු වෙති
තැනි තලා පෝශණය කරමින්...
උරා පොළොවට පොම්ප කරමින්
උසට විහිදුනු මහා කදු වෙති
තැනි තලා පෝශණය කරමින්...
දියැලි ගංගා උපද්දාලා
යවයී පහලට රනින් සරසා
කන්දෙ සාරයෙ පිහිට ගන්නට
නේක ජීවින් එහිම ලැග්ගා...
විහිද දඩු මුල් කන්ද ඇතුලට
පසත් එක්කම උරා කෑවා
මහා තුරු ගොමු ලෙසින් වෙස් ගත්
පිසාචයො එහි අරක් ගත්තා...
අනෝරාවක් වැටුන දවසක
කන්ද මැද්දෙන් දෙපළු වූවා
දෙනෝ දාහක් එක්ක කන්දත්
අනේ අවසන් සුසුම් හෙළුවා...
මැරුණු ජීවිත වල වැරැද්දත්
නිහඩ උනු කන්දටම පවරා
ශේෂ උනු පස් ටිකත් හූරන්
පිසාචයො ඒ නඩුව වැහුවා...
No comments:
Post a Comment