මැදඟිල්ලට ප්‍රථම වෙදඟිල්ල....
කොහේදී හෝ දුටුව මතකයි
ලියා තිබුනා ඒ ලෙසින්
මුද්ද දාලා යහන්ගත වෙනු
සම්මතේ එහෙමයි මචං....
රූම් අස්සේ පඳුරු පල්ලේ
ආදරේ හෙවු අයියලා
හොයයි පතිවත බැන්ද දවසට
ඇඳේ සුදු රෙදි අතුරලා....
මගේ හදවතෙ ඉඩ ගොඩයි
තව ආවොතින් අය දොර ඇරෙයි
එහෙවු අක්කල බඳින දවසට
ලිලී මල් මෙන් පිවිතුරුයි.....
ඔන්න ඔහොමයි සමාජය නම්
නින්දිතයි චපලයි මචං
කාගෙ කාගෙත් කිල්ලෝට හුණු
වලින් පිරිලා බලාපං....
නිදාගත්තට එකට අත්සන්
නොකර අර මහ ලොකු පොතේ
තොපිට මොකටද උන්ට හොඳනම්
බකට් නො අදින් හිතුමතේ....
රෑට පේමන්ට් එකේ විකිණෙන
ලිංගිකත්වය දහවලේ
හරිම පුදුමයි පූජනීයයි
ගොළුවෙලා ඇත සමාජේ...
විලිවසාගෙන නිරුවතින් යන
අපේ මහ ලොකු සම්මතේ
වෙනස් විය යුතු හිතනවිදියයි
ඔහේ පාවෙන හිතවතේ....
සමාජය දැන් හරි විසයි බං
මිනිස් හිත් හැම දූශිතයි
ඒ නිසා මොන මඟුල කෙරුවත්
පරිස්සම් උනොතින් හොඳයි...
No comments:
Post a Comment