කවුන්සිලෙ සහ නඩුව

රෑ පිපෙන මල් වල
රොන් ගන්නෙ කවුරුද
කඩුපුලී සේපාලි
ගැබ් ගත්තෙ කොහොමද
ලෝක මල් මණ්ඩලෙන්
තරුපතිට ප්‍රශ්නයක්...

කවුන්සිලෙ සේරෝම
එක්කාසු කරෝලා
අහන්නට මේ නඩුව
තරුපතිත් සැරසිලා
පළමුව මීමැස්සො
කවුන්සිලෙ අණකලා...

මීමැස්සො අපි රෑට
බුදියනවා සේරෝම
ඒ නිසා අපි නෙමෙයි
සමනළ්ලු වෙන්නැති
මී මැසි ජනපදෙන්
නිවේදනයක් දුන්න....

කළුවරේ මල් අස්සෙ
රිංගන්නෙ කොහොමද
සියුමැලි තටු කැඩෙයි
රෑ පින්නෙ තටු පෙඟෙයි
අනේ අපිනං නෙමෙයි
සමනල්ලුත් කිවුව....

එහෙනම් වෙන කවුද
වන බඹරු වෙන්නැති
මෙන්න එකපාරටම
කොහේදෝ හිඳ ආපු
බට්ටිත්තො රෑනකුත්
කට උත්තර දුන්නා...

සල්ලාල බව ඇත්ත
අපේ ජනපදේ උන්
ඒ උනත් අපි වැඩක්
කරොත් එළිපිට මිසක්
කළුවරට මුවාවී
නෑ පදිරි වෙන්නෙ අපි....

එහෙනම් කඩුපුලී
සේපාලිකා හා
අසම්මතයේ හැසිර
පරාගනෙ වෙලා ඇති
කවුන්සිලෙ අන්තිමට
තීරණයක් දුන්නා.....