සැඩ සුළන් විදුලියත් සමග වැස්සකි
තුරු වියන් මුළින් උදුරා දමති
මල් ගොමුද බුරුතු පිටින් වනසති
තවත් එක් ඍතුවක අගිස්සකි !
නිල් පාට ඉස්කෝපියන් ග්‍රාස් පඳුරකි
ඇස් ඇරපු ෆොගෙට් මී නොට් මල් කිනිති
මේ භීශණය අස්සෙත් හිනා වෙති
ස්වකැමැත්තෙන් නටු අත හරිති !
ඒ මල් පඳුර දකින වාරයක් පාසාම දුකකි
අමතක නොකරන්න යැයි කෙරූ ඉල්ලීමකි
නැවත හමුවෙන්නෙමුයි දුන් පොරොන්දුවකි
ඈට විරහවකි - මා තනිව රකිනා ප්‍රේමයකි !
තිලංක තේනුවර
මැයි 27, සඳුදා 2024
No comments:
Post a Comment