මේ මධුර යාමයේ
උදුර උදුරා ලේ බොන
මදුරුවෙකු හැරෙන්නට මේ මේසයේ
කිසිවෙකුත් පාළුවට නැති වග
මුලින්ම ඔබට කිව යුතුය !
අතුරු සිදුරු නොමැතිව
බුරුතු පිටින් හිටි තරුණ පොකුරු
කොහේ අතුරුදන් උනි දැයි කියා
රාත්‍රියේ බොහෝ අවධානයෙන් සිටි
චන්ද්‍රයාවත් නොදන්නා බව විශ්වාසය !
ඉහිරුනු මධු විත - බිඳුනු මධු බඳුන්
පිළුනු වූ කට ගැස්ම දීසි ගොඩ
අස් කරන්නට නිදි මතේ පාවෙන
මනුස්ස පරාන දෙක තුනක් ලංවී
ඉල්ලුවෙත් නැතිද කියලයි දුමක් !
ඈතින් දැල්වෙන වීථි ලාම්පුද
මෙරු හා පොර බදා නිවී ගිය කල
වේටර් කොල්ලෙකු ඇවිදින්
මා සිටි මේසය හැරෙන්න
අඳුරු කලා අහු මුළු සියල්ලම !
වින්ටේජ් සුවඳ උතුරන - වයසක බාර් එකක් මේක
නොම්මර තිස් නමය - කැනල් රෝ ඇඩ්‍රස් එක
ඔබ මාගේ පික් මී රියැදුරා නම් මේ අහන්න
හදිස්සියක් නෑ හෙමිහිට පාගන්න
මමත් බාර් එකත් තවමත් මෙතැන !
තිලංක තේනුවර
කොළඹ අහස උඩ - තවුතිසාවට මිලියක් දෙකක් පහලින් !
ජනවාරි 9, අඟහරුවාදා 2024
No comments:
Post a Comment