නම සකූ ගෙවල් අනුරාධපුරේ
වයස නම් දහ නමයයි
බැදල හිටියට ළමයි නම් නෑ
හස්බන්ඩ් ද?
අපෝ නෑ නෑ එයා මේව දන්නෙ නෑ !
හොඳට මහන්න කරන්න පුළුවන්
කාලයක්ම ගාමන්ට් එකක වැඩ කරේ
හුම් අයින් උනේද?
අයින් උනා නෙමේ අයින් කලා
කොරෝනා කාලේ වැඩ නැතිව !
මොකද ගෙදර ප්‍රශ්ණයක්ද
නැත්නම් ඔෆිස් එකේ අවුලක්ද
කමක් නෑ කියන්න
උත්තර දෙන්න බැරි වෙයි
ඒත් අහන් ඉන්න මට පුළුවන් !
ඇයි ඇස් දිහාම බලාගෙන ඉන්නෙ
වෙන කෙල්ලෙක් උනා නම් රැවටිලා
හුම් ආදරෙයි කියලද කියන්නෙ?
මේ හිතේ තියෙන බර ඇති සර්
ඔයා මාව ගෙදර ගෙනියන්නෙ නෑනෙ !
මේ මගේ ඔෆිස් නම්බර් එක
වට්ස් ඇප් ඉන්නව - හයෙන් පස්සෙ ගන්න
ඇයි කොලොප්පමට හිනා වෙන්නෙ
මේක මගේ රස්සාව
ඒ නිසා මේක ඔෆිස් නම්බර් එක !
ඇත්ත නම ගම අහන්නෙපා
මොකද හොයාගෙන එන්නද හදන්නෙ
රස්සාව ඇරුනම මටත් ජීවිතයක් තියෙනව
මේක ගණුදෙනුවක්නෙ
අපි එතනින් එහාට නොයා ඉමු !
ආ ඔවූ
නම ගම පදිංචිය බොරු උනාට
මම ඇත්ත !
මේ හැඟීම් ඇත්ත !
නම අමතක කලා නේද ආයෙම ?
මම සකූ
පරිස්සමට යන්න !
No comments:
Post a Comment