ඉතින් කන්ථක,
නේරංජනා ඉවුරෙන්
සිදුහත් එතෙර වූ සොවට
පපුව දෙපළු වී මිය යන්න
කෙතරම් නම් වේදනාවක්
දැනෙන්න ඇතිද උඹට?
පපුව පැළිලත් කෑලි වලට
අණ්ඩ දා ගෙන හදවතට
තාමත් හුස්ම ගන්නවලු අරහෙ යශෝධරා
කඳුලක් වත් නොහෙලා - තනියම
මැරෙන්න බැරි නිසා දරුවත් එක්ක...
යශෝධරා ලා තමයී
ලෝකයක් හදවතේ දරාගෙන
සුවහසක් වේදනා ඉවසගෙන
සසරින් එතෙර කලේ පිරිමින් ව
දන්නවද නේද කන්ථක?
මම නේරංජනා ගඟ.
තිලංක තේනුවර
මාර්තු 6 සඳුදා , 2023
No comments:
Post a Comment