නුඹ නැතිව මොහොතවල් එකින් එක ගෙවෙනා
ප්‍රේමණීයම හවස් තනිකමෙන් දැවුනා
ජීවිතේකට ඇතිය වරක් හිත බැඳුනා
ප්‍රේමයක දිග පලල තවම මම සොයනා...
සීතලම රාත්‍රියෙ උණුහුමක් ගෙන එන්න
කෝපි පුසුඹත් ඇතිය හිතේ ගිනි දැල් වෙන්න
ඇල්කොහොල් පිරෙවූවත් ඒ ගින්න යට වෙන්න
මට ඕන මතකයක ඈ එක්ක ගුලි වෙන්න...
පුරවලා ආත්මය අපරිමිත ස්නේහයෙන්
ඇයී ගියේ අතරමග නුඹ හැරී වේගයෙන්
දරාගනු බැරි තරම් පෙම් කරපු හදවතින්
වඩා හිඳුවනු කෙසේ වෙන කෙනෙකු නුඹෙ තැනින්...
තිලංක තේනුවර
ජනවාරි 27 සිකුරාදා , 2023
-02.jpeg)
No comments:
Post a Comment