කවියක් ලිවුවෙ නැතිනම් මම විස් කරා කියල උඹ පිළිගන්නෙ නෑනෙ..
විදුසර කිරණ විද කළුවර සළුව කපා
පැහැසර පාට තවරයී මල් හිමින් සපා
බඹසර නොබිදි සමනල් කැල මග සතපා
හීසර වගේ කිම සුළගේ දුවනු එපා
යායට පූදිනා නෙක මල් සුවද අරන්
පෝයට වගේ පංසල් යනවාද කියන්
ලාවට පින්න ඉහ සරතැස අවදි කරන්
කීවට කාරි නෑ කිම මේ අරුමෙ බොලන්
වාදිත විහග සංගීතේ සවන පුරා
මීවත පිරෙයී මල් වල අද රේණු ඉරා
යාවෙත සුර ලියන් අහසේ අසිරි දරා
හිතවත උපන් දවසයී තාරක මිතුරා
පිපුනත් නොපිපුනත් යායට මල් පොකුරූ
ගැයුනත් නොගැයුනත් සියොතුන් ගී මහරූ
නැගුනත් නොනැගුනත් ඉර තේජස ඉහිරූ
අදටත් මතු දිනත් අපි උඹ ලග මිතුරූ
උපන්දිනේ සුභ වේවා!!! ජය!!!
No comments:
Post a Comment