අදත් ඉඳහිට මතක් වෙනකොට
පපුව හයියෙන් රිදෙනවා
දුරක ඈතක මඟ නතර කල
අපේ ප්‍රේමය දැනෙනවා...
තාම තනිකඩ වෙන්න හේතුව
උඹමදැයි මට හිතෙනවා
යන්න දුන්නට තවම ලෝබයී
මතක රහසෙන් ඉඹිනවා...
අහම්බෙන් මුත් දකින මොහොතක
තවම හදවත නටනවා
කිරි සුවඳ මැද සුව ලබනු දැක
ආයෙ මම මඟ හැරෙනවා...
සුබ පැතුම් කවි ලියා දහසක්
සුළඟටම විසි කරනවා
වැව රවුම ලඟ තනිය නෑ අද
නුවර අහසම හඬනවා !
තිලංක තේනුවර
නොවැම්බර් 18 ඉරිදා, 2023
නුවර අහස යට නෙමෙයී...
No comments:
Post a Comment