සියක් මකරන්ධ උදුරා කෙවෙනි මුලින්
මලක් විසිකරා සුළඟට කඳුළු බොමින්
හුඟක් ඉරුනු පෙත්තක ලේ වගුරුවමින්
කවක් ලියා තිබුණා මිය යන්න කලින්...
පෙමක් දරා මල් පාවඩ හිතේ දරන්
රැයක් ගෙවුනි බඹසර අඳුරේම බිඳන්
ඵලක් දරනු බැරි තැන මුල් අහිමි කරන්
කුමක් කරමි යමු පුත ස්වර්ගයම හොයන්...
තිලංක තේනුවර
පෙබරවාරි 24 සිකුරාදා, 2023
පසුව ලියමි -
තල් අරණේ මල් මැරුණේ යුද්ධයෙන් විතරද?
යුද්ධය නිමා කොට ජාතීන් සමඟි කරනු වස්, වසර දෙදහස් පන්සීයක අභිමානයෙන් විළි රුදා දී ජාතක කලා වූ සිය පුරිශෝත්තම අවිය ආදරේ මාත්තු කල වෙඩි උණ්ඩ වලින් පුරවා හතර අත වෙඩි වරුසා පතිත කොට අවසානයේ පාර්වතී නම් ත්‍රස්ත වාදිනිය දමනය කලා වූ ඒ මහා අමන තිරිසනාට සාප කොට සහ,
තල් කොළ හෙවෙලි කල, මැටි වරිච්චියෙන් හැඩ උන කළුවර කාමරයේ බාල්කයක සාරි පොටෙකින් එල්ලී කිරි සුවඳ දෝතින්ම දරා ස්වර්ගය අතික්‍රමණය කලා වූ පාර්වතී නම් අහිංසකාවියට පිං පිණිස.
