ඉමන්තාලංකාරය

ජන්මදින් මුභාරක් හෝ වග්ගය | ලේට් සබ්මිසන් වෙළුම.

*ඉමන්තයාගේ විසි හත*

(ගජ බින්නා වලියේ එක්කෝටි විසිපන් හයසිය විසි හතලිස් තුන් දාස් බිංදුව වෙනි සංස්කරණය)

ජනවාරියේ කම්මැලි සීතල මකනා
ඉරකාරියේ උනුහුම ලෝකෙට එබෙනා
හැකි වීරියේ කවි පද එළිවැට පනිනා
අතනෑරියේ උබ හින්දයි බකමූණා

සුරා සූදුවෙන් තොර සිරිමත් බමුණා
සරා සිවු අතම ඌ එහෙමයී කියනා
හොරා උනත් සළු පිලි සුදුවට අදිනා
සිරා කියා රැවටෙයි මිනිසුන් දකිනා

බාර් එකක් දුටුවිට අසුනින් ඉස්සී
පෙන්වයි පිදිය යුතු තැන ගවුරවේ නිසී
සූර් වෙලා කරටි කඩන් කොල්ල බිසී
වන්නම් නැටුම් ඉන් පසු කරලියට බසී

නංගිලාගෙ දුක අහනට හරි රුසියා
අක්කලාගේ හරි හුරතල් කොලු පැටියා
ඇන්ටිලාගේ තනිකම මකනා දෙවියා
කොල්ලො උනත් අවුලක් නෑ මූ දසයා

ගංජද ගුලිද හෑශ්ද බොට ඕන සිරා
ටැබා මොරොක්කන් පැණි හතු දෝත පුරා
ඕනෑ වෙලාවක ඇති තිප්පොලයි සුරා
ඉස්පා එකයි මුගෙ නැවතුම ලොවට හොරා

***ආතල් ඉවරයී***දැන් සිරා ටිකක්***

දිවි කතර සරණතර අපි මිතුර හමු උනා
සවි තිසර බැම්මකින් සදහටම යා උනා
රවි ඉසිර කිරණ මෙන් අදුරෙදිත් දිලිසුනා
නිවි නිවී තරු කැටත් උඹෙ ලගම නැවතුනා

ස්නේහයේ වැස්සක්ව නිවා කර්කශ පොළව
ප්‍රේමයම පතුරන්න දිරි ලැබෙන් අඩු නැතිව
සාමයේ පරවියත් වැලපෙද්දි තටු නැතිව
හැමදාම රැදීයන් සතුට සාමය දිනුව

වැටෙන විට නැගිටින්න වාරුදී දිරි දෙන්න

තැවෙන දුක් කම්කටොළු මකා හිත සනසන්න
දැවෙන මේ ජීවිතය නිවෙන කම් පණ දෙන්න
නිවන තෙක් එකට ඉමු සංසාරෙ ඇවිදින්න

සුසිරි මල් වැහි ඉහිරි ඉහිරී යනෙන මග උඹ සුවද 

දේවා
විසිරි පිණි බිදු එක්ව පවනට එමග දිගටම සිසිල 

වේවා
ඉහිරි විදුසර රැයද විනිවිද අදුර කිසි විට මගක 

නේවා
මිහිරි සුමිහිරි සසිරි බර විසි හතට මේ ලෙස අසිරි

එවුවා

*දැන් මේ අටමගලය ඉවරය***වැඩක් බලා ගත්තොත් යෙහෙකිය* 

අපමණ දුක් ගැහැට විද කාර්යයාල වේලාවකදී රචනා කොට ජනසතු කරන ලදී. 

තිලා.

ප.ලි - මෙහි දැක්වෙන චායාරූපයේ රතු පැහැයෙන් ත්‍රිකෝණාකාරව සළකුණු කර ඇති කරටි කඩාගෙන බෙල්ල සාක්කුවේ ඔබාගත් ජීවියා ඉමන්තයා බව කරුණාවෙන් සළකන්න.