ඉරයි හඳයි එක පාරට
පෑයුව වාගෙයි අහසට
ලපටි සිනා කැන් මැවෙනවා
සෙත් පිරිතක් වගෙයි හිතට....
විහඟ ගීත ගැයිච්ච දෙන්
ආසිරි ගෙන මගෙ දෝණිට
මුදු සුළගේ සුව සදපන්
විඩා නොදෙන් සිනිඳු සිතට....
මගෙ හිතෙ පිරි හැඟුම් අසිරි
අරගෙන පියඹා අහසට
සමනළුනේ සරසාපන්
සරතැස සුර ලොව විලසට....
සතර වරම් දෙවු වරමින්
සුවපත් වී සියලු සතන්
ලෝකය සුන්දර වේවා
පිය නගන්න මගෙ දෝණිට.....
තව කොහොමද කවි ලියන්නෙ
මොර ගහනව හිත සතුටට
විභාගෙකුත් මේ අස්සේ
තියෙනව මතකයි ලාවට...
දුර ඈතනෙ ලොකු මාමා
එන්නෙ කොහොම හදිස්සියට
ඉවසාපන් මගෙ දෝණී
මන් එනවා බලන්න හෙට....❤
No comments:
Post a Comment