සිවු හෙළේ විය සිංහලේ..... (එතකොට සිංහ ලේ....?????)

අහන් හිතවත කතාවක් ඇත
සිදුවුනේ මෙය දවාලේ
බෙහෙත් ගන්නට එකෙක් එක්කල
උදේ ඉඳ මන් රෝහලේ......

ඩොකෙක් පැමිනෙය් දුවන් හනිකට
මොකද දන්නෑ බන් 'කුලේ'
මිතුරගෙන් ඇහුවාම කිව්වේ
ලෙඩෙක් මොරදෙනවා 'මලේ'....

බැලිමි මොකදැය් විප්ලවය මේ
ඉර මුදුන් උන දවාලේ
එකෙක් පෙරලෙය් කෑගගහ බිම
මගේ ලේ බොල සිංහ ලේ.....

නර්ස් නෝනා හනික ඇවිදින්
මොකක්දො එන්නත් කලේ
අනේ මල්ලියෙ අපේ ලග නෑ
උඹ හොයන ඔය සිංහ ලේ .....

බ්ලඩ් ගෲප් නම් ඇත්තෙ හතරය්
බෙදී නෑ එක එක කුලේ
ජාති ආගම් අනුව නෑ බොල
බෙදිල ගියෙ අපෙ මිනිස් ලේ....

නිරිඳු රාවණ පවා රජකල
බිමේ ඉපදුනු සිවු හෙළේ
සුරිඳු ලතවෙය් බෙදී මෙලෙසින්
කුමක් දො උඹලා කොලේ.....

ජාති ආගම් කුල මලද තව
මොනවටද තොපි වෙන්කලේ
ගෝත්‍රිකයන් විලස ඇය් මේ
කෝ යකෝ තොපෙ මිනිස් ලේ.....

රණ බිමේ හැලුනේ අපේ ලේ
නොවේ තිරිසනකුගේ ලේ
හෙලූ දහදිය කඳුලු සේරම
පැළැන්දුවෙ ලක් මවු ගෙලේ......

රකිනු වස් තම ජාත භූමිය
ඇසිස් මස් ලේ පුද කලේ
බොදුනු කිතුනුද මුසල්මානුද
සුරකිමින් රට උන් මළේ........

බෙදී විසුනව කා කොටාගති
කුමක් තොපි අරමුණු කලේ
සිරුරු පස්වේ මියෙන දවසක
සැවොම සැතපේ එක වලේ........