රෑ අහසේ තදට දිලිසෙන
ඔබ වතාවක් ලස්සනැයි කියූ
ඒ තාරකාව ගලවා
ඔබේ දෝතින් තබන්නෙමි යැයි
නිශ්ඵල කතා කීමට මට බැරිය !
ක්ශීරපතයේ චායාරූපයක් දැක
විශ්මාන්විතව ඒ දෙස බලා සිටින
ඔබේ හිස මෘදුව අතගා
මේ විශ්වයම හකුලා
ඔබේ දෝතින් තබන්නෙමි යැයි
නිශ්ඵල වදන් දීමට මට බැරිය !
නමුත් ඔබ කැමැති නම්
තාරකා තරම් දීප්තිමත් නැති මුත්
සාගරය තරම් ගැඹුරු මේ ඇස්
ගලවා තැබිය හැක
ඔබේ චන්ද්‍ර මණ්ඩලය මත !
විශ්වය තරම් විශාල නැති මුත්
මහමෙරක් තරමට බර
මගේ හිස තබන්නම්
ඔබෙ දෝත මත - ජීවිත කාලයටම
ප්‍රේමිය එයයි මට දිය හැකි
නිශ්චිතම පොරොන්දු ව !!!
තිලංක තේනුවර
මැයි 8, බ්‍රහස්පතින්දා 2025
