සෑම වර්ශාවකට පසුවම අහසේ ඇතිවේ දරුණු හිස්කමක්...

සෑම වර්ශාවකට පසුවම අහසේ
ඇතිවේ දරුණු හිස්කමක්
දිය වූ වලා තිර අකුලන සුළග හැර
ඉතිරිය මහම තනිකමක්...

කෝටියක් ප්‍රශ්ණ අස්සෙත්
හිනාවී හිටි එකම පුදුමයක්
අහසක් අඩනවානම් සත්තයී ඒ
දරාගනු බැරිම තැන කරුමයක්...

අහිමි මුත් පෙර ලෙසම දළු ලන
ආදරේ හරිම පුදුමයක්
දුරින් සිට ආදරේ වැඩුමට
අහසකට කොහිද තහනමක්...

සිතිජයේදී එකතු වෙන්නට
හීන දැක්කද අපමණක්
අහසකට පොළොව කියන්නේ තාමත්
අයිති කර ගන්ට බැරි වෙච්චි ප්‍රේමයක්...

සෑම වර්ශාවකට පසුවම ඇතිවේ
පොළොවෙන් අහසටම පාලමක්
පුරවා සප්ත වර්ණාලේපිත හීනයන්
එක් කරයී මොහොතක් - කල්පයක් මග හැරුනු දෙහදක්...

කොයි තරම් ඇවැසි මුත් අහසට
දේදුන්න ද අවසනක් වෙයී - ඒක නියමයක්
මොහොතකට හමුවෙන්න මහ පොළොව ආයෙම
එක්කහු කරනවා අහස - කළු වලාකුළු මහ ගොඩක්...